Семейдегі Ертіс өзеніндегі жаңа көпір 87 пайызға дайын: нысан құны — 47,3 млрд теңге
KРедакция konkretno.kz · Обновлено Автор
Опубликовано Обновлено
Облыс әкімі ескі арба-көлік көпірінің жанында салынып жатқан төрт жолақты жаңа көпірдің құрылысын тексерді.
Абай облысының әкімі Берік Уәли Семейдегі ескі арба-көлік көпірінің жанында салынып жатқан жаңа көлік өтпесінің құрылыс барысымен танысты. Бүгінде құрылыс жұмыстары 87 пайызға орындалды.
Көпір төрт жолақты қозғалысқа арналған. Оның ұзындығы 810 метр, ені 23 метр болады, ал нысанның жалпы құны — 47,3 млрд теңге. Жалпы салмағы 9 мың тонна болатын металл аралық құрылымды монтаждау толық аяқталды.
Бұл туралы Абай облысының әкімдігі хабарлады.
Источник: Абай облысының әкімдігі
