Абай облысы әкімдерінің рейтингі: Семей үздік үштікке енді
83 индикатор бойынша бағалау қорытындысында Семей, Жаңасемей ауданы және Үржар ауданы Абай облысы қалалары мен аудандары әкімдері рейтингінің алғашқы үш орнын иеленді.
Облыс әкімі Берік Уәли төрағалық еткен облыс әкімдігінің отырысында қалалар мен аудандар әкімдері жұмысының рейтингтік бағалау қорытындысы жарияланды. Бағалау 83 индикатор бойынша жүргізілді. Алғашқы үш орынды Семей, Жаңасемей ауданы және Үржар ауданы алды.
Рейтингте одан кейінгі орындарда Бесқарағай, Аягөз, Мақаншы, Жарма, Бородулиха және Абай аудандары орналасты.
Соңғы орындарда Курчатов қаласы, Ақсуат және Көкпекті аудандары қалды. Облыс әкімі олардың басшыларына негізгі көрсеткіштерді жақсарту жұмысын күшейтуді тапсырды. Оның айтуынша, бұл аумақтар алғашқы жартыжылдық қорытындысындағыдай, қатарынан екінші рет аутсайдерлер қатарында тұр.
Бұл туралы Абай облысының әкімдігі хабарлады.
Источник: Абай облысының әкімдігі
