Абай облысында тоғыз сағаттық іздеуден кейін 68 жастағы ер адам табылды
Есте сақтау қабілеті нашарлаған ер адам Бұлақ ауылынан шамамен 7 шақырым жерде, далада табылды.
Абай облысында хабар-ошарсыз кеткен 68 жастағы ер адам табылды. Бұл туралы Абай облысының Полиция департаменті хабарлады.
Сағат 07:00 шамасында полицияға оның ағасы жүгінген. Оның айтуынша, соңғы уақытта ер адамның есте сақтау қабілеті төмендеп, жерді шарлауы қиындап кеткен.
Полицейлер мен құтқарушылар үш топқа бөлініп, бекітілген учаскелерді тексерді. Ашық алаңды ұшқышсыз ұшақ арқылы әуеден қарап шықты. Іздеуге Семей құтқарушылары да қатысты.
Сағат 16:20 шамасында ер адам Жаңасемей ауданындағы Бұлақ ауылынан шамамен 7 шақырым жердегі ашық далада табылды. Оған медициналық көмек қажет болмады, ол полицияға тапсырылды.
Бұл туралы Абай облысының Полиция департаменті хабарлады.
Источник: Абай облысының ПД
